Komdu hingað
Tékkland er ekki eins og aðrar bifreiðaskoðanir. Fyrir utan að vera ódýrir og ofboðslega færir í að sinna bílnum þínum trúum við því nefnilega að þú eigir að njóta þess að láta skoða bílinn þinn. Það á ekki að vera kvöð að fara með bílinn í tékk. Við viljum að þér líði vel á meðan við skoðum bílinn þinn, og þess vegna bjóðum við upp á frábæra aðstöðu og og fjölbreytta afþreyingu í heimilislegri umgjörð. Horfðu á sjónvarpið, hlustaðu á útvarpið, blaðaðu í blöðunum (eða slúðurtímaritunum), skelltu þér á netið og dreyptu á nýmöluðu kaffi.
Borgartún 24
Tékkland bifreiðaskoðun við Borgartún er staðsett á horni Borgartúns og Nóatúns. Þetta er stærsta stöð Tékklands með tveimur skoðunarbrautum, annars vegar lyftubraut og hins vegar gryfjubraut. Frábær móttaka fyrir viðskiptavini sem geta notið þeirrar þjónustu sem er í boði á meðan bíllinn er skoðaður.
Ástandsskoðanir eru eingöngu framkvæmdar í skoðunarstöð okkar í Borgartúni. Tímapantanir eru óþarfar, bara mæta á staðinn.
Beint símanúmer í skoðunarstöð okkar í Borgartúni er 414-9910
Holtagarðar
Tékkland bifreiðaskoðun við Holtagarða er staðsett á þjónustustöð N1, þar sem til staðar er sjálfsafgreiðslustöð fyrir eldsneyti og þvottastöðvar. Komdu með bílinn í skoðun og skelltu honum í þvott í leiðinni.
Þar sem skoðunarstöðin í Holtagörðum er eingöngu útbúin skoðunarlyftu þá er ekki unnt að skoða eftirvagna (kerrur og ferðavagnar) í skoðunarstöðinni. Það er stutt að fara í Borgartúnið með fellihýsið eða tjaldvagninn. Eftirvagnar eru einnig skoðaðir í Hafnarfirði.
Beint símanúmer í skoðunarstöð okkar við Holtagarða er 414-9914
Reykjavíkurvegur 54, Hafnarfirði
Tékkland bifreiðaskoðun í Hafnarfirði er staðsett við hliðina á smurstöð N1 að Reykjavíkurvegi 54, á besta stað í bænum. Mjög gott aðgengi og næg bílastæði. Frábær aðstaða til að skoða allar gerðir ökutækja.
Beint símanúmer í skoðunarstöð okkar á Reykjavíkurvegi er 414-9912